Ves de viaxe a Benín? Cerimonia de Benvida

Queres vir comigo de viaxe a Benín?

Eu quero levarte comigo a unha parte do xa vivido hai aproximadamente un mes.

Non importa que o meu presente e o meu pasado se confundan e se unan, non importa que ti non teñas estado alí.

Imos viaxar, no tempo e no espacio.

A miña intención nesa viaxe, ademais de aprender danza e descubrir outra cultura, a cultura do Vudú; era achegarche as miñas vivencias da forma máis auténtica posible.

Por iso fun facendo gravacións, das miñas experiencias e reflexións, audios das cerimonias, tamén saquei fotografías e gravei vídeos.

Preséntoche a información de forma ordenada e consciente para que a túa “viaxe” sexa o máis enriquecedora posible.

Primeiro os audios, sen imaxes.

Para que renunciar ó que ti te imaxinarás ó escoitarme ou o escoitar os sons ambientes das cerimonias?

E xa logo as fotografías e os vídeos.

Si che é posible, fai unha escoita consciente dos audios. Reserva un tempo para estar tranquila e presente naquelo que vas escoitar, para que poidas viaxar.

Esa é a miña proposta, pero por suposto, síntete libre para alterar a orde ou evidenciar algo do material que che ofrezo. Tanto aquí como alí, cada unha de nós ten unha viaxe diferente porque imos “buscando” cousas distintas.

Hoxe preséntoche o que foi a nosa primeira cerimonia Vudú, unha cerimonia de benvida.

Nesta cerimonia solicitamos permiso para poder estar física e espiritualmente dentro da cultura Vudú, polo menos o tempo que durase o curso.

Neste audio tes os primeiros sons ambiente:

Neste audio xa a miña explicación do que aconteceu:

Neste último audio outros sons ambiente da Cerimonia:

Imos con imaxes, a ver como encadras o que che presento entre o que recibiches dos audios

Verás como queda a terra tras facer unha ofrenda e consultar si nos era permitido adentrarnos no Vudú; tamén che presento ás mulleres cantando. Noutra imaxe verás ó sacerdote entrando no lugar onde bailaremos. Por último os primeiros saúdos ante o sacerdote e persoas iniciadas no Vudú.

E agora, o vídeo da  Cerimonia de Benvida!

Ves o espazo pra bailar e seguramente lle quitarás misticismo a todo esto. Efectivamente, todo foi moi natural e moi normal. Non podes ver as danzas, porque eu xa estaba bailando!

Pero tranqui, nas próximas semanas sí terei oportunidade de mostrarche danza no contexto das cerimonias, que é o que a min me parece máis interesante.

Coñeces a alguén a quen lle poida interesar o que che vou contar nas próximas semanas? Reenvíalle e comparte, para que poidan deixarme o seu mail e facerllo chegar.

Para recibir os mails é tan só ir a TanTanLetter e deixar alí teu e-mail.

P. D. Tanto Vincent coma Sophie foron formadores neste curso, xa cun material máis contemporáneo. Ambos son moi recomendables, así que déixoche links a facebooks para que lle botes un ollo.

Vincent Harisdo : https://www.facebook.com/vincent.harisdo .

Sophie https://www.facebook.com/sophie.g.lautier da Cía Dju-dju https://www.facebook.com/ciedjudju/

E este é o centro onde durmiamos, comiamos e recibiamos as aulas “normais” https://www.facebook.com/CDACElijah/

O próximo ano, veste ti tamén, non? Eu se podo, repito!