Significado do ritmo Kassa

Sabes cal é o ritmo Celeiro de entre os Malinkés?

Kassa en malinke significa graneiro ou máis do noso xeito: celeiro ou cabazo (un hórreo feito de materiais vexetais).

Kassa é o lugar a onde se levan as sementes recollidas para gardalas.

Tamén é un ritmo malinké. O ritmo Kassa acompaña nas colleitas e por tanto é un ritmo vinculado á agricultura, á fertilidade da terra.

Falando de Guinea Conakry, da rexión Kouroussou, as terras que se traballan poden estar ben lonxe da aldea, a máis de 10 kilómetros.

Chega o momento da colleita. Os homes mozos e maduros dos pobos xúntanse para ir traballa-las terras. Primeiro a caminata e logo o día enteiro ou días de labores.

Cando a tarefa require varios días, poden até facer unhas construcións para pasa-las noites.

Van acompañados das mulleres que se encargan de prepara-la comida.

E levan tamén ós músicos que estarán tocando e cantando Kassa durante toda a xornada.

Parece que a música alenta o traballo e faino menos duro.

Ó remata-la xornada inda hai enerxía para algo de festa e entón son outros ritmos os que se tocan.

O ritmo Kassa propiamente dito é o que eu conozo e é o ritmo co que comezaremos o curso.

Pero hai outros Kassa como o Kassa Dibon, Kassa Soro ou Soma Kassa; que descoñezo. Sei que teñen relación con todo o evento da colleita tamén, pero non sei nin como sonan nin como se bailan.

Kassa é un ritmo que me parece que reúne unha boas condicións para abrir este curso 19_20:

  • Para min é un ritmo ó que se lle atopa de forma intuitiva o tempo e é máis doado bailar.
  • Coñezo moitos movementos sinxelos
  •  Ten algún movemento máis complicado, interesante para ir introducindo unhas maiores complexidades.
  • Moitos movementos son “representacionais” o que nos resulta máis doado de asimilar.Así en outubro, comezamos a quitarnos a ferruxe do verán con movementos sinxelos que comezaremos a disfrutar case de inmediato.

Espero verte en clase!

Estamos en período de inscricións que remata o martes 24 de setembro.

Podes inscribirte fácilmente dende aquí!

Quero inscribirme nas aulas regulares!!