Galinké Folí 2019! Imos de festa!

No Galinké Folí sempre se cheira un ambiente estupendo, familiar, cheo de ilusión e ganas de dar a coñecer unha parte da cultura que podemos atopar no continente africano ou con raíces nel.

Anota a data e reserva o día, porque a programación é superinteresante!

Cando acontece o Galinké Folí?

O sábado 15 de xuño, dende as 11h e ata que o corpo aguante!

Onde?

En Santiago de Compostela, no CSC Agustín Bueno (Castiñeiriño).

De que gozarás?

Poderás ver unha mostra do tanto traballamos nestes 9 meses de clases regulares, non só de danza senón que tamén de percusión.

Gozarás da música con raíces africanas cos concertos de:

Perfusión, música e danza afrogalegas (formo parte, así que me toca actuar!)

Celia & Papis, senegaliza

Macheta, afrobeat delgüeno.

Si queres aprender, xenial porque no Galinké Folí haberá:

Obradoiro de Percusión Malinké con Papis, para tódolos niveis.

Obradoiro de Danza Malinké con lamendalerenda 😉

Tranqui, non fai falla que te preocupes por nutrirte ese día: o xantar será caboverdiano!

Tódolas actividades, salvo o obradoiro de percusión que custa 10€, son de balde! E os prezos da barra e da comida, populares.

Así que hoxe o que quero deixarche é este convite! Encantaríame verte por alí!

É unha festa ideal para toda a familia!

Achégate e participa!

Si inda non coñeces a danza malinké, aproveita o obradoiro de danza que haberá pola tarde.

Tes toda a información aquí, no Facebook de Galinké. Si non coñecías Galinké, podes aproveitar para facerte amiga e seguir o seu Facebook.

Espero verte!

P. D. Antes de despedirme, só quería dicirche que estou construíndo a lista de interesadxs nas aulas regulares. Anótate na lista, inda que a túa situación poida cambiar de aquí a outubro, inda que non saibas onde e como vas estar nesa altura do ano. Anótate si o corazón e o corpo che piden bailar. Logo xa se verá o que che marca a vida.