Ondas de África

Ondas de África, campamento de verán de Danza Malinké

Momentos inesquecíbeis do Ondas de África

A convocatoria está pechada 🙁

Anótate si queres recibir un aviso preferente cando abramos a próxima convocatoria.

Ondas de África é un curso….. moi especial

É un campamento de Danza Malinké de fin de semana que posúe unha parte en exterior, na marabillosa praia de Razo.

É un curso intensivo no que traballaremos a creación artística e o perfeccionamento, introducindo/evocándonos en elementos da natureza. Sempre por medio de xogos e dinámicas, nin te darás conta de que te estarás convertindo xa non só en bailarina/bailarín, se non en creadora da túa propia danza.

Praia de Razo onde disfrutaremos da sesión vespertina do Ondas de África

Antes de que che detalle as cuestións máis prácticas (horarios, datas, lugares, etc), quero explicarche o seguinte:

ONDAS DE ÁFRICA foi todo un éxito na súa primeira edición no 2018, así que este ano queremos repetir!

ONDAS DE ÁFRICA está pensado para que poidamos disfrutar dun entorno natural privilexiado como o que temos na costa de Bergantiños, no entorno Razo-Baldaio.

Si compartes estes valores, seguro que este curso será para ti:

  • Consideras que a saúde, é imprescindible para vivir plenamente e sabes que non podes gozar de boa saúde si estás descoidando teu corpo ou desconectada del. Neste contexto socio-económico parece que podemos vivir ben, emancipadxs do noso corpo, desconectadxs do noso corpo; unha desas mentiras que escoitamos continuamente.
  • Consideras que a vida en comunidade, a vida compartida, é imprescindible para vivir plenamente. Outra desas grandes mentiras que abundan nas mensaxes dos que promoven o sistema socio-económico, dicta que podemos vivir plenamente, emancipadxs das outras persoas, illadas ou con contactos virtuais.
  • Cres que o contacto ca natureza é necesario para vivir plenamente, saludablemente. A última das grandes mentiras que prevalecen no noso contexto social e económico é que podemos manter a nosa vitalidade, emancipadxs da natureza, desvinculadxs do medio natural.

¿ Por que o ONDAS DE ÁFRICA é para ti?

Porque neste curso, obviamente estarás coidando a túa saúde. Xa non só é o teu corpo mediante o exercicio físico, é a túa alegría, a túa coordinación, elasticidade, relaxamento, vitalidade.

Porque neste curso, traballamos en grupo, nos relacionamos e o resultado artístico dependerá de todxs.

Porque neste curso, realizaremos dinámicas e exercicios na Praia de Razo e utilizaremos este entorno para alimentar as nosas danzas. Respiraremos aire limpo do mar, bailaremos sobre a area, sentiremos o sol na pel, a auga…

Por suposto, si che gusta a Danza, tes afinidade por África ou queres coidarte e disfrutar tamén da praia, este curso pode ser ideal para ti.