Lolo, un conto e un canto para curar feridas

Lolo, un conto e un canto para curar feridas

Existe un fenómeno curioso na zona de Ribeira que están estudando os antropólogos  e que ata o día de hoxe, inda non conseguiron resolver.

 Hai un grupo de cativxs que curan as feridas non ó canto do Sana Sana Culito de Rana, senón que ó canto de Lolo, unha canción de Guinea Conakri.

Os antropólogos e antropólogas consideran que este fenómeno pode ser a peza clave para comprender que no ADN dos galegos e galegas haxa máis similitudes con África ca no sur da península…

Tamén hai sociólogxs estudando o tema. As súas hipóteses son dúas: ou ben chegaron a galiza Guineanos de Conakri como escravizados, traendo o Lolo con eles; ou ben é por influencia dos mariñeiros guineanos enrolados en barcos ribeiráns.

A nova non deixa de ser irrelevante para algunhas terapeutas polo efecto sanador do Lolo, que comparativamente ó do Sana Sana, non ten parangón.

 Pero amigos e amigas lectoras e escoitantes, eu teño a resposta, polo menos sobre a orixe de tal fenómeno e debo dicir que tódalas hipóteses anteriores están erradas.

Queres que cho conte en audio? Tamén podes seguir lendo, pero no audio cántoche a canción!

Coñezo o fenómeno, pero non é por frikismo, é por ter de amiga a  Bolbo.

Bolbo é amiga e compañeira de cantos e danzas en Perfusión. Sensible ca educación dxs cativos, aprendeu o Lolo e comezou a cantarllo as pequechas e pequechos nas aulas cando se mancaban, para de paso, sensibilizar e achegar outras culturas. E así, o fenómeno Lolo se vai espallando por Ribeira adiante!

Hoxe se queres, podes levalo a túa casa porque che vou ensinar esta canción tan bonita!

Lolo é unha canción que aparece no disco de Famoudou Konate “Rhythms and Songs from Guinea. Parece ser que é unha canción que utilizan coma utilizamos nós o Sana Sana e por iso Bolbo a incorporou ás súas aulas.

Lolo conta a historia da Nai Hawa que preocupada pola súa saúde acode ó menciñeiro para preguntarlle por ela. O menciñeiro consulta a súa estrela e dille á Nai Hawa que está de sorte, que a súa estrela está no ceo e que a súa vida será longa.

A letra do Lolo é a seguinte:

N’na Hawa, Lolo ye san ma;  /naawa lolo yesanma/

Horoya le bö nin I nyè!          /jorolla le boninñe/

Nai Hawa, a Estrela está no ceo,

 O día da túa liberación chegou!

 

No audio, escoiarás a canción orixinal. Pretendía pasarche o canto orixinal pero non o atopei en ningún medio online.

Que teñas moi boa semana! E cántalle o Lolo ós teus cativos, seguro que lles encanta e sanan antes!

Artigos recentes

Próximas ocasións para bailar:

  • Información actualizada sobre os próximos cursos intensivos aquí.