Sobre min2018-10-05T18:22:00+00:00
Sobre Tania Veiga, profesora de Danza Tradicional do Oeste de África

Son Tania Veiga e a miña labor é que desarrolles o teu potencial a través da danza africana.

Comprométome contigo, si queres mellorar a túa saúde, reactivar a túa vitalidade sen renunciar á diversión; liberar estrés e suar con alegría. Conseguiremos moito máis do que seguramente creas.

No pasado de Tania Veiga…

Antes de coñecer a danza tradicional africana facía exercicio, pero era inconstante porque me aburría e os resultados non se vían.

Pasei anos frecuentando o ximnasio con intención de mellorar a miña figura (máis que de coidarme) sucumbindo a todas as inseguridades que de xovenciña, e máis como muller, sentía. Cambiei de actividades frecuentemente porque realmente non me gustaban.

Entraba nun bucle de “autocastigo” que quizais coñezas: a miña falta de perseverancia traíame ansiedade e falta de autoestima, en consecuencia inda tiña menos ganas de facer exercicio e comía máis e peor.

 Dicíame a min mesma: Tania, tes que atopar unha actividade que che guste ou rematarás por deixalo todo.

Apareceu tendo eu 27 anos de idade. Xa imaxinarás: Danza Tradicional do Oeste de África.

Descubrir a Danza Tradicional do Oeste de África supuxo poñerme en forma divertíndome, querer máis e máis cursos, vaia si era constante! Descargaba o estrés, sentíame alegre; VITAL.

A verdade é que os resultados no meu físico quedaron en segundo plano porque me sentía ben comigo mesma, quíxenme máis.

Non só estaba a poñerme en forma, tamén disfrutaba a miña mente e como consecuencia, a miña autoestima tamén se veu beneficiada. Co tempo gañei consciencia sobre a importancia que tiña o meu benestar integral e deixei de preocuparme polas miñas curvas ;).

Mente esperta, corpo en forma e moita ilusión!

A clave foi a diversión

Entre nós, ¿canto tempo podes soportar unha actividade que non che gusta?

Esta foi a clave realmente, a clave que me permitiu ser constante e deixar de sacrificarme, deixar de ter que facer un esforzo por saír da casa ou para rematar a sesión de fitness.

Ti tamén podes beneficiarte, tamén podes liberar estrés, recuperar a vitalidade, sentirte plena! Solo debes atopar aquelo que te divirte, quizais sexa a Danza Tradicional do Oeste de África, porque non?

Mostra de Danza Tradicional Africana en Santiago de Compostela

Que lle aporta a danza a Tania Veiga?

Seguramente teña que ir cambiando este texto conforme pase o tempo.

Dun lado, xa sabes, a danza é a miña ferramenta de traballo. Síntome moi afortunada de ter feito da miña paixón, o meu traballo.

De todos modos, non cho vou negar: non sempre me apetece dar clase e que hai días que o corpo me pide descanso; isto é certo.

Pero as máis das veces sinfín de vecesvou dar as clases moi motivada e con moita enerxí ou se non, despois de dar a clase e bailar énchome de enerxía e agradezo a sesión.

Ser profesora de danza me permite dalgunha forma, coidar ás persoas. Fainos moita falta unha sesión semanal para o noso coidado. Eu encárgome en clase de que teñas o teu momento, de que recibas un coidado profundo.

Son profesora de danza tradicional do oeste de África porque quero que máis persoas recuperen a súa vitalidade igual que o fixen eu.

Danzar, sigue a aportarme moita alegría e ultimamente unha forma de expresar as miñas emocións. Este é un camiño que estou comezando a descubrir e que seguro terá moito percorrido.

A saúde e forma física de Tania Veiga…

De novo, aquí vou ser honesta. Nin son unha persoa musculada, nin esbelta, nin delgada, nin teño unha resistencia atlética, nin unha elasticidade de bailarina de ballet. Son bastante normaliña.

Si ben é certo que gracias á danza tradicional do oeste de África, teño unha musculatura máis desarrollada que hai 5 anos, sobre todo en pernas e glúteos.

Tamén a miña resistencia física mellorou. Cando comecei a bailar, apenas podía correr 15 minutos e sofocábame bastante nos cursos intensivos de 3h. Agora podo correr unha horiña e nos cursos intensivos son a que pide caña! Normal si levo bailando regularmente dende o 2011.

Certamente, isto non me importa demasiado, porque o que é seguro é que o meu benestar integral mellorou: levo anos sen ir ó médico ;), mellorou moito a miña autoestima e diminui a miña ansiedade. Esto significa que vivo máis relaxada e confiada.

Por suposto, teño máis facilidades, practicando dende cero outras disciplinas nas que se utiliza o corpo.