Cando bailas fas brillar o sol que hai en ti. Libera as emocións expresándote a través do movemento. Séntete esplendorosa na túa pel. Dá luz e recibe a luz das túas compañeiras nunha danza non competitiva na que medramos xuntas.

A danza compartida ten un poderoso efecto sobre o organismo, xa que permite que os nosos corpos se comuniquen. Vibran como se fosen un, activando os fluxos químicos naturais que nos fan sentir ben.

Non podes cambiar o mundo, pero si cambiar o teu modo de ver as cousas. A danza recárgate de enerxía e alegría. Desperta a túa intuición para que entendas mellor o que falta ou sobra en cada momento. Colle osíxeno. Gaña perspectiva para distinguir o que é importante para ti e dirixe alí o teu poder.

Dedicarte un ratiño semanal para conectar contigo mesma é necesario para estar ben. Si non estás ben, o tempo non rende; a enerxía non dá. A práctica de danza é unha rutina de coidado persoal, de tenrura cara ti mesma, que te axuda a entenderte e sentirte ben.

Quenta os músculos dun modo seguro e sobe a túa enerxía a medida que avanza a sesión. Desta forma súas, gañas forza e axilidade, pero non danas o teu corpo.

En cada sesión de danza a túa enerxía sobe para que quedes ben cargada para afrontar a semana. A sensación dentro de ti é tan boa que aínda que notes un pouco de cansazo te sentes revitalizada. Coa practica regular estabilízanse os efectos e a danza se convirte nun recurso, nunha “mellor amiga” coa que podes contar para estar ben e cargarte de enerxía cando o necesites.

Tamén hai algún home estupendo, pero a maioría somos mulleres que nos divertimos, nos apoiamos e crecemos xuntas. Empapámonos do coñecemento dos pobos Mande, afondamos no sentido dos ritmos, a cultura e os segredos da danza.

Si tes algún destes “eu non…” na cabeza podes vir con suma tranquilidade. Estes pensamentos son limitantes e son mentira, pódoche axudar a liberarte deles.

Non precisas ter unha forma física excelente, nin talento musical para disfrutar bailando. Ademais, coa escoita e a práctica, descubrirás que todo se pode aprender. Pouco a pouco sairá a inmensa forza que tes dentro de ti, sorprenderaste dos teus bonitos movementos e axilidade, pero sobre todo, da túa capacidade para disfrutar de ti mesma e da túa vida.

Recorda que o corpo aprende a base de repeticións, polo que ás veces irás rápido e outras precisarás máis tempo do que che gustaría. Por iso é importante que sexas paciente contigo mesma. Todo chega no momento xusto.

Falar de Danza Africana como un só tipo de danza é imposible, hai moitísimas variantes rexionais con grandes diferencias entre elas.

O mesmo sucede noutros territorios. Se pensas só en Galicia, cantos tipos de muiñeiras, jotas ou maneos coñeces? Si amplías á península Ibérica podes observar con facilidade as diferencias entre muiñeira e sevillanas. Imaxina entón cantas danzas diferentes pode haber en África, un continente tres veces máis grande que Europa.

A danza que eu ensino é a Danza Malinké, tamén chamada Danza do Oeste de África

Está baseada na tradición dos pobos mande ou manden que formaron parte do Imperio de Malí (1235-1546) e hoxe comprenden, máis ou menos, os países Gambia, Guinea-Conakry, Guinea-Bissau, Senegal, Malí, Serra Leoa, Burkina Faso e Costa de Marfil.

Toda esta zona ten unha conexión cultural, falan linguas mande e comparten certas similitudes na tradición musical que se poden ver, por exemplo, nos ritmos Lamban, Kuku, Mendiani ou o no uso de dundúns e djembés.

A danza tradicional para min é a que que vén da base, a que baila o pobo nas festas tradicionais, nas que sempre está presente a música en directo e a alegría. Son danzas inclusivas nas que o público tamén baila e se xera o folí, palabra que significa festa e é case case como a nosa foliada.

Baseándome na miña experiencia formándome en varios países do Oeste de África e no divertidas que me resultaron as danzas de praza, nas miñas clases ofrezo o modo de entender a música e a vida que aprendín nesta rexión que tanto me apaixona.  

Pois dependerá de ti, do que sintas que é mellor para ti. As aulas regulares permítente incorporar a danza á túa vida. Os intensivos son un complemento perfecto para soltar adrenalina, ou unha solución ideal no caso de que non poidas asistir semanalmente; o semipresencial é perfecto si non podes cadrar horarios, eres moi vergonzosa ou perfeccionista.

• As aulas regulares teñen unha frecuencia semanal e duran 1h 30min. Son clases moi personalizadas nas que todos nos coñecemos, divertimos e medramos xuntos. Hai tempo para descargar adrenalina e para perfeccionar.

O curso anual comeza en outubro e finaliza en xuño. O primeiro trimestre é para soltar. No segundo traballas a consistencia do corpo, a técnica e os detalles do movemento. No terceiro sacas colores á túa danza a través de xogos e dinámicas.

En total aprendes tres coreografías que podes bailar diante de público real no espectáculo de final de curso.

• Os intensivos son ocasionais, case sempre en sábado, e teñen unha duración de 3 horas como mínimo. Están pensados para divertirse, inspirarse, coñecer xente e bailar, bailar, bailar…

O curso intensivo comézase quentando os músculos e aprendendo un por un os movementos dunha coreografía. Unha vez que sabes o pasos xuntámonos para bailar e divertirnos deixando que o corpo se exprese sen preocuparnos de pulir os movementos.

Despois, relaxámonos.

• O semipresencial, Boron está pensado para que poidas aprender os movementos na comodidade do teu fogar e disfrutar da enerxía dunha sesión presencial para practicalos.

Na última semana xuntámonos para sentir a percusión en directo e o calor das compis. Practicamos e traballamos o aprendido durante un intensivo de 3 horas.

Dende o primeiro día xa notarás o ben que senta bailar. A nivel físico os cambios virán pouco a pouco, dependerá da situación actual do teu corpo e do traballo persoal que lle queiras dedicar.

Como ó bailar non se sinte tanto o exercicio físico, as alumnas soen sorprenderse ó descubrir cambios no seu corpo, máis áxil, tonificado e forte. Pero iso non significa que sexan cambios máxicos, nin rápidos, todo sucede pouco a pouco, ó teu ritmo.

A nivel mental os progresos son máis difíciles de medir, pero tamén chegan pouco a pouco, dun xeito natural.

Unha vez que empezas a conectar contigo mesma xa te estás dando o espazo para sanar. Pouco a pouco empezarás a quererte tal e como eres, comprenderte e perdoarte por todas aquelas cousas que te culpabilizas. Só dende aquí poderás medrar e construír a vida que desexas vivir.

Durante a escoperta de ti mesma pasarás por varias fases, haberá momentos no que todo sexa moi sinxelo e outros sentiralos máis duros. Para axudarte no camiño estarei eu e as túas compañeiras. Non te deixamos soa.

A percusión en directo é unha das miñas señas de identidade.

Todas as clases presenciais, tanto as aulas regulares como os intensivos, contan sempre coa colaboración de percusionistas especializados nos ritmos do Oeste de África.

Isto ten varias vantaxes, a primeira é que as vibracións dos tambores son moi pracenteiras.

A segunda, que nas clases establécese un diálogo entre músicos e bailarinas, de forma que se adaptan os ritmos e as intensidades en función do que se necesite en cada momento.

A terceira é un acercamento real á tradición musical africana, xa que non se pode entender sen as chamadas de tambor, o contacto visual, os sons e sensacións que só se producen coa música en directo.

Sintes ese cansancio que non se pasa nin durmindo, derivado de longas xornadas laborais e un mundo cada vez máis esixente e desgastante? Daquela o corpo estache pedindo unha recarga de enerxía. A danza do Oeste de África dache este subidón natural que precisas, por iso funciona tan ben como revitalizante, sexa cal sexa a túa condición actual.

Coa práctica regular o efecto estabilízase, o teu corpo tonifícase e a túa mente alixéirase. Pouco a pouco, sempre ó teu ritmo, aprenderás a usala como activador da túa enerxía cando queiras, incluso si estás ultrafatigada.